2025 жылдан бастап ЕАЭО елдері экспорттық бажсыз мұнайды бір-бірінен сатып алады
31 Мамыр, 2016 16:28
Жоғары Еуразиялық экономикалық кеңес отырысында ортақ мұнай нарығын құру туралы тұжырымдаманы қабылданды. Бұл туралы журналистерге Еуразиялық экономикалық комиссия ұжымының төрағасы Тигран Саркисян.
«Мәселелердің екінші бөлімі энергетика саласына байланысты. Мемлекет басшылары мұнайдың ортақ нарықтарын құру тұжырымдамасын нақтылады. Тұжырымдамаға сәйкес, энергетикалық компаниялар серіктестердің мұнай инфрақұрылымдарына тікелей жол алады», - деді ол.
Оның айтуынша, тұжырымдаманы жүзеге асыру 3 кезең бойынша жүзеге асады.
«Біз тұжырымдаманы жүзеге асыру бағдарламасын әзірлеуіміз керек. Сәйкес келісім дайындалады, 2025 жылы құжатқа қол қойылған соң бірыңғай энергетикалық нарық құрылады. Осы логика бойынша ортақ газ нарығын құру қолға алынады. Ол нарық та2025 жылы құрылады», - деді ол.
