Қ.Тоқаев Қытай, Германия, Мысыр және Халықаралық бейбітшілік институтының делегацияларымен кездесті

31 Мамыр, 2016 14:48

Парламент Сенатының Төрағасы Қасым-Жомарт Тоқаев ҚХР Халық өкілдері бүкілқытай жиналысы Ішкі істер және әділет жөніндегі комитет төрағасының орынбасары Чжао Чжэнюнмен кездесті. Сенат басшысы «Діндер терроризмге қарсы» конференциясына қатысқаны үшін жүздесушіге ризашылығын білдірді және бұл шара терроризм қатеріне бірлесе әрекет ету жолдарын ашық талқылау үшін ортақ алаң ұсынғанын атап өтті, деп хабарлады Сенаттың баспасөз қызметі.

Тараптар сондай-ақ екіжақты ынтымақтастық, оның ішінде парламентаралық байланыстар мәселелерін талқылады. Жүздесушілер Қазақстан Президенті Нұрсұлтан Назарбаев жария еткен «Нұрлы жол» Жаңа экономикалық саясаты мен ҚХР Төрағасы Си Цзиньпиннің «Бір белдеу, бір жол» тұжырымдамасы ұзақ мерзімді өзара іс-қимыл келешегінің жалпы көрінісі мазмұндалғаны туралы ортақ пікірге келді.

Астанадағы форум аясында Сенат Төрағасы ГФР Бундестагының депутаты Аксель Фишермен, Мысырдың уақыптар істері жөніндегі министрі Мұхтар Жұмамен және Халықаралық бейбітшілік институтының президенті Терье Род-Ларсенмен де кездесті. Жүздесушелір халықаралық күн тәртібіндегі мәселелер бойынша пікір алмасты.

Конференцияға қатысушылар терроризм және экстремизммен күрестегі жаһандық күш-жігерге сындарлы идеялары мен өз үлестерін қосуға әзірлігін білдірген парламентшілер мен әлемнің діни қайраткерлерінің бір алаңға жиналған осы форум тақырыбының маңыздылығын атап өтті.

Барлық жаңалықтар