Қазақстандық авиакомпаниялар Еуропаға ұшу рұқсатын алу үшін дербес аудиттен өтулері керек
31 Мамыр, 2016 13:46
Азаматтық авиация комитеті Еуропалық комиссиямен қазақстандық авиакомпаниялардың еуропа аймағына ұшуға шектеу қойып тастауына байланысты белсенді жұмыс жүргізіп жатыр. Шектеуді алып тастағаннан кейін авиакомпаниялар Еуропаға ұшуға рұқсат алу үшін авиациялық қауіпсіздік бойынша Еуропалық агенттіктерінің дербес аудиттерінен өтулері керек. Бұл туралы ҚР ИДМ Азаматтық авиация комитетінің төрағасы Бекен Сейдахметов Азаматтық авиация саласы бойынша ҚР ИДМ қызметі туралы өткен баспасөз конференциясында хабарлады.
«ИКАО ақпараттық бюллетеніне сәйкес, 191 елдің 9-нан елеулі ескертулер бар. Бұлар Ангола, Гаити, Қырғызстан, Ливан және басқалар. Биыл елеулі ескертулер Грузиядан және Қазақстаннан алынып тасталды, сонымен, бүгінгі күні комитеттен барлық ескертулер жойылды»,-деп мәлімдеді ол.
Комитет басшысы бүгінгі таңда Еуропалық комиссиямен қазақстандық компаниялардан еуропа аймағына ұшуға қойылған шектеулерді алып тастау мәселесі бойынша белсенді жұмыстар жүргізіліп жатқанын атап өтті.
Атап өту керек, аталмыш шектеулер алынып тасталғаннан кейін, еуропалық аймаққа ұшқысы келетін әр авиакомпания авиациялық қауіпсіздік бойынша Еуропалық агенттіктерде дербес аудиттен өтулері қажет.
Индира Кауметова
