Астанада Қазақстан мен Ресей Президенттерінің кездесуі өтуде

Еске сала кетейік, кеше Нұрсұлтан Назарбаев Беларусь Республикасының Президенті Александр Лукашенкомен кездескен болатын. Онда сауда-экономикалық, ғылыми-техникалық және мәдени-гуманитарлық мәселелер бойынша ынтымақтастықты нығайту жайы талқыланған еді. Мемлекет басшылары сонымен қатар, өзекті спект бойынша халықаралық күн тәртібіне қатысты пікір алмасты.

Сондай-ақ, бүгін Астанада Жоғары Еуразиялық экономикалық кеңестің отырысы өтеді. Оның жұмысына  Қазақстан Республикасының Президенті Нұрсұлтан Назарбаев, Армения Республикасының Президенті Серж Саргсиян, Беларусь Республикасының Президенті Александр Лукашенко, Қырғыз Республикасының Президенті Алмазбек Атамбаев және Ресей Федерациясының Президенті Владимир Путин қатысады.

Отырыс барысында Еуразиялық экономикалық одақ қызметінің бірқатар мәселелері қаралады, деп күтілуде. Сондай-ақ, оның сыртқы мемлекеттермен өзара сауда іс-қимылының дамуы да әңгіме арқауына айналмақ.