Биыл СҚО-ға 158 млрд. теңге инвестиция тарту жоспарлануда

31 Мамыр, 2016 12:31

Биыл Солтүстік Қазақстан облысының негізгі капиталына 158 малрд теңгеден астам инвестиция тарту жоспарланып отыр, деп хабарлады облыс әкімінің орынбасары Мұхтар Манкеев аппарат мәжілісінде.

Оның айтуынша, Тайынша ауданы «ЭФКО» ЖШС зауытының құрылысы есебінен, «Тайынша Май» ЖШС-н іске қосу арқылы, «Classic AGRO» ЖШС ұн өндіретін және бидайды терең өңдейтін зауыт құрылысын салу және басқа да жобаларды жүзеге асыру арқылы 21 млрд. теңге тартуға ниетті.

М.Манкеев сонымен қатар, Ғ.Мүсірепов атындағы ауданның 36,1 млрд. теңге инвестиция тартатынын да атап өтті. Биыл мұнда сабаннан целлюлоза өндіретін жобаны «Сабан Қағазы» ЖШС-і жүзеге асырмақ. «Атамекен Агро Шұқыркөл» ЖШС бордақылау алаңының құрылысын жүргізеді. Сонымен қатар, «Приишимский АФ» ЖШС сүт-тауарлы фермасы, шағын элеватор және басқа да жобалар іске асырылатын болады.

«Осы болжанған аудандардар мен Петропавл қаласының инвестиция тарту жоспарларын орындау арқылы жартыжылдықтың қорытындысында инвестициялық өсімге қол жеткіземіз»,-деді әкім орынбасары.

Барлық жаңалықтар