Қазақстанда жасалған: Алматы облысындағы металл фурнитураларын өндіретін зауыт жылына өнімнің 3 мың тоннасын өндіретін болады

«Ағымдағы жылдың өткен кезеңінде Галакси Групп түрік компаниясы Акпэн Пластикпен бірге Алматы облысындағы металл фурнитураларын өндіретін FORES зауытын қайта инвестициялады. Инвестицияның көлемі 5 млн долларды құрады. Бүгінгі күні 1 млн долларды меңгерді және 50 жаңа жұмыс орындарын құрды»,-деп хабарламада айтылған.

Осылайша, өнімді Қырғыстанға, Ауғаныстанға, Тәжікстанға экспорттау жоспарлануда. Өндіріс қуаттылығы жылына 3 мың тоннаны құрайды. Шығарылатын өнім 100% қазақстандық мазмұнға ие болады.

Сонымен қатар, Tikkurila финдік компаниясы лакокраска өндірісін кеңейтуде өнімді қайта инвестициялады және жылдық қуаттылығын 500 мың литрге ұлғайтты, сондай-ақ 20 жаңа жұмыс орындарын құрды. Бүгінгі күні зауыттың өндірістік қуаты жылына 2,5 миллион литр болып табылады, ал жұмыс орындарының саны-80.

Сондай-ақ, ведомствоның мәліметі бойынша, «Keruen plus» ЖШС түрік компаниясы жылына 500 тонна қуаты бар полипропилен құбырларын шығаратын жаңа желіні қайта инвестициялады. Осылайша, зауыттың өндіріс қуаттылығы жылына 3 100 тоннаға дейін ұлғайды, 20 жаңа жұмыс орындары құрылды. Компания өз өнімдерін Ресей мен Орталық Азияға экспорттауды жоспарлауда.

2015 жылы 6 шетелдік компания қайта қаражаттандырылды: Danone, LG Electronics, Galaksi Group, BTM Group, Lotte Group, Coca-Cola.

Ботагөз Айтжанова