Астанада «Дін лаңкестікке қарсы» конференциясы өтуде
31 Мамыр, 2016 10:02
Астанада Келісім және бейбітшілік сарайында «Дін лаңкестікке қарсы» халықаралық конференциясы басталды. Іс-шара БҰҰ Бас Ассамблеясының 70-ші сессия барысында ҚР ПРезиденті Н.Назарбаевтың Халықаралық лаңкестікпен күрес жөніндегі мәлімдеген бастамасын іске асыру аясында өтуде. Конференция 1 маусым айында өтетін Әлемдік және дәстүрлі діндер лидерлері Съезінің кезекті отырысы қарсаңында өтуде.
Конференцияға әлемнің 41 елінен 63 делегация қатысады, сонымен қатар Австрия, Әзірбайжан,Ауғаныстан, Беларус, Ұлыбритания, Венгрия, Германия, Греция, Грузия, Иран, Италия, Қытай, Қырғызстан, Латвия, Нидерланд, Пәкістан, Ресей, Румыния, Сауд Арабиясы, Тәжікстан, Түрккия, Франция, Швеция және тағы басқалар.
Сонымен қатар, форумға Әлемдік және дәстүрлі діндер лидерлері съезінің хатшылық мүшелері қатысады.
Анар Тәңірқұлова
