• Басты
  • Мәжілісте аумақтық қорғаныс құру туралы заң жобасы таныстырылды
30 Мамыр, 2016 16:41

Мәжілісте аумақтық қорғаныс құру туралы заң жобасы таныстырылды

Қазақстанның 14 облысы мен Астана және Алматы қалаларында 16 аумақтық қорғаныс бригадасының басқармалары құрылады. Бұл туралы Мәжілісте «Қазақстан Республикасының кейбір заңнамалық актілеріне қорғаныс және әскери қызмет мәселелері бойынша өзгерістер мен толықтырулар енгізу туралы» заң жобасының таныстырылымы барысында мәлім болды.
Мәжілісте аумақтық қорғаныс құру туралы заң жобасы таныстырылды

Заң жобасы қорғаныс және әскери қызмет саласындағы қоғамдық қатынастарды реттеуге, заңнамадағы құқықтық нормалар арасындағы қайшылықтарды, олқылықтарды, коллизияларды жоюға бағытталады.

Мемлекеттік қорғаныстық тапсырыс, аумақтық қорғаныс жүйелерін жетілдіру мәселелері де қарастырылады.
Қорғаныс министрінің орынбасары Талғат Мұхтаровтың айтуынша, Мемлекет басшысының 2015 жылдың 25 желтоқсанындағы Жарлығына сәйкес, Қазақстанда аумақтық әскерлер құрып, оларды қорғаныс жүйесімен ықпалдастыру көзделген болатын.

«Аумақтық қорғаныс Қорғаныс Күштерінің құрамына енетін болады. Ал аумақтық қорғаныс әскери бөлімнің жетекшілері - әскери қызметші мәртебесінде, ал штаб жұмысшылары әскери міндеттілер болып табылады. Заң жобасы аясында әскери міндеттілерді арнайы әскери жиындарға шақыру, әскери қызметші мәртебесін беру мәселесі қарастырылып, оларға қолданыстағы заңнамада көрсетілген құқықтар мен міндеттер белгіленеді. Сонымен қатар, облыстық және Астана мен Алматы қалаларының жергілікті атқарушы органдары құзыретіне аумақтық қорғаныс бөлімдерін қамтамасыз ету мәселесі беріледі. Осылайша, көрсетілген норманы жүзеге асыру үшін еліміздің 14 облысы мен Астана, Алматы қалаларында 16 аумақтық қорғаныс бригадалар басқармалары құрылатын болады», - деді министр орынбасары. 
Оның сөзіне қарағанда, аумақтық қорғаныс басқармаларын құру бойынша әлемнің озық тәжірибелері зерделенген.

Қазақстанның 14 облысы мен Астана және Алматы қалаларында 16 аумақтық қорғаныс бригадасының басқармалары құрылады.

Анара Таныркулова

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды