Алматы облысында жеміс-жидектердің сөлін сығатын зауыт ашылады

31 Мамыр, 2016 09:31

Индустрияландыру картасының арқасында Ұйғыр ауданында «Шонжы Агро» ЖШС өз жобасын сәтті жүзеге асыра бастады. Енді кәсіпкерлер жеміс ағаштарын өсіруге белсене кірісіп жатыр. Аграрлық сала мамандарына Кәсіпкерлер палатасының мамандары қолдау көрсетуде, деп хабарлады облыс әкімдігі.

Кәсіпкерлер палатасы Ұйғыр аудандық филиалының директоры Муслим Амангелдінің айтуынша, «Шонжы Агро» ЖШС үшін бизнес-жоспар дайындалып, заңгерлер құрылтайшылық құжаттарды дайындауға көмектескен. Оларды өндіруші ретінде Индустрияландыру картасына енгізуге септескен. Мұнан кейін аймақтық несиелік кеңес компания үшін 800 гектар жер бөлді. Үш жыл көлемінде кәсіпкерлер бөлініп берілген аумақты түгелімен игеруді жоспарлап отыр. Биылғы жылы 100 га жерге өріс пен шабдалы көшеттерін отырғызбақ. Оның 30 гектарына ағаш қазір егілсе, қалған 70 гектарына күзде отырғызылатын болады. Барлығы жылына 400 тонна жеміс жинау жоспарланған.

Сонымен қатар «Шонжы Агро» ЖШС жеміс-жидектердің сөлін сығатын зауыт ашуды межелеуде. Ешқандай қоспасыз, табиғи таза өнім – жеміс шырындары мен джем дайындамақ.

Жалпы, биылғы жылы Ұйғыр ауданында 261 га жерде жаңа бақ алқаптары пайда болды. Аудан бойынша барлығы 6 мыңнан астам шағын бизнес өкілдері жұмыс істейді.

Барлық жаңалықтар