Алматыда ШОБ-тың 100-ден астам жаңа нысандарын пайдалануға беру жоспарлануда

31 Мамыр, 2016 08:37

Алматыда 2016 жылдың соңына дейін сауда, қызмет көрсету, коммерциялық жылжымайтын мүлік және әлеуметтік сала бойынша 100-ден астам жаңа нысандарды іске қосу жоспарланып отыр, деп әкімдікте хабарлайды.

Осылайша, мегаполисте «Манана» мейрамханасы ашылды. Оның инвестициясы 700 млн теңгені құрады. Маңызды айта кететін жайт, нысанды іске қосу 50 жаңа тұрақты жұмыс орындарын ашуға септік болды.

Қызмет көрсету саласы бойынша жаңа нысандардың ашылуы кәсіпорындардың бәсекеге қабілеттілігін жоғарылатуға көмектеседі, сонымен бірге қызмет көрсету сапасын жоғарылатуға септігін тигізеді. Ал бұл ірі көлемді Универсиада-2017 мен ЭКСПО-2017 шараларын өткізуде аса маңызды.

Айта кетейік, қалада шағын және орта бизнес тенденциясының ұлғайғандығы байқалады. Алматыда барлығы 180 мыңнан астам ШОБ субъектілері тіркелген және ол жерлерде 580 мыңнан астам адам еңбек жасауда. Өткен жылы ШОБ шығарған өнімнің көлемі 4,2 трлн теңгені құрады, 2014 жылдың үйлес кезеңімен салыстырғанда 21,1 пайызға өскен. 2016 жылдың қаңтар-сәуір айларындағы Шағын кәсіпкерлер субъектілерінің несие көлемі 358,2 млрд теңгені құрады немесе ҚР бойынша барлық несиелерден 50 пайыз.

Айта кетейік, мегаполисте жаңа нысандарды ашу инвестиция және бизнес үшін қолайлы жағдайлар жасау үшін жергілікті биліктің күштерінің арқасында мүмкін болды. Осы бағыт бойынша жұмыс «Алматы-2020» бағдарламасын дамыту негізінде жүргізілуде.

Барлық жаңалықтар