• Басты
  • Қызылорда мен Қарағанды өңіраралық кооперацияны дамытпақ
30 Мамыр, 2016 09:36

Қызылорда мен Қарағанды өңіраралық кооперацияны дамытпақ

Қызылорда мен Қарағанды облыстарының әкімдері өңіраралық кооперацияны дамытуға байланысты меморандумға қол қойды, деп хабарлады облыс әкімдігі.
Қызылорда мен Қарағанды өңіраралық кооперацияны дамытпақ

Мақсат екі облыс арасында экономикалық-мәдени байланысты нығайту, өзара тәжірибе алмасу, өздерінде өндірілетін өнімдерді ұсынып, импорттың үлесін төмендету болып табылады. Әрине, сапалы өнімге қай кезде де сұраныс бар. Ал оған қойылған баға түпкілікті тұтынушының  қалтасына қолайлы тисе, бұл екі арадағы дәнекерлік істің оң нәтижесі.  

Қонақтар Қызылорда облысы әкімдігінде орналасқан Ахуалды орталық қызметінің жұмысын көрді. Жобаның мақсаты – Қызылорда облысы әкімдігі қызметінің тиімділігін заманауи ақпараттық-коммуникациялық технологиялар арқылы арттыру. Атап айтқанда, орталық макроэкономикалық көрсеткіштерді болжамдау, әлеуметтік-экономикалық даму барысын мониторингтеу, талдау және болжау, қауіпсіздікті бағалау және экономика, қаржы, демография, өнеркәсіп, ақпарат және басқа да салалардағы тәуекелдерді басқару, қоғамдық-саяси ахуалды талдау жұмыстарымен айналысады.

“Елбасының тапсырмасына сәйкес өңіраралық серіктестікті дамыту қажет. Біздің қарағандылықтардан үйренетін нәрселеріміз бар. Біріншіден, Қарағанды облысында металлургия өндірісі жақсы дамыған. Бізде оны қолға алып жатырмыз. Екіншіден, азық-түлік қауіпсіздік қамтамасыз ету. Біз жақында буферлік аймақтан шықтық. Ет өңдеу, көкөніс өсіру бойынша қарағандылықтармен тәжірибе алмасуға болады”, - деді Қ.Көшербаев.

“Соңғы 3 жылда Қызылорда облысында даму диномикасы өте жоғары. Сондықтан біз осы жоғары даму қарқынының себебін білу үшін келдік. Өзара әріптестікке дайынбыз”, - деді Н.Әбдібеков.

Қарағанды облысының әкімі Сыр өңіріне сапары барысында Қармақшы ауданындағы Қорқыт ата мемориалды кешенін және Байқоңырдағы ғарышкерлер мұражайын аралап көрді.

Сондай-ақ аймақтың тарихымен танысу мақсатында Қызылорда қаласындағы облыстық-өлкетану мұражайына ат басын бұрды. Мұнан соң «Арай» сауықтыру кешенінің жұмысын көріп, «Жан-Арай» агроиндустриалды кешенінде болды. Өндіріс орнында тәулігіне 80 тонна құрама жем және 150 тонна күріш өңдейтін зауыт бар. Кәсіпорында шикізат және дайын өнімдер сақтайтын қоймалар, автотаразы мен зертхана, қалталау цехы, ұн тарту диірмені мен макарон шығару өндірістері бар. Аталған өндірістерден шығатын дәнді дақыл қалдықтарын құрама жем шығаруға пайдаланады. Сонымен қатар, «Жан Арай» шаруа қожалығына осыдан бір ай бұрын 3 мың дана жұмыртқа әкелініп, қазір 2600-дей балапан шығарылды. Оның 660-ға жуығы қаздың балапаны, қалғаны үйректер.

Қол қойылған келісім негізінде енді екі өңір алыс-берісті нығайтып, кәсіпкерлер мен шаруа қожалықтар тәжірибе алмасып, тығыз байланыста жұмыс жасайтын болады. Айта кетейік, қарағандылық делегаттар сапарларының екінші күні облыстық малшылар слетіне қатысады.

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды