Сингапур ЭКСПО-2017 көрмесіне қатысатынын ресми түрде растады
27 Мамыр, 2016 09:21
Сингапурдың ұлттық даму Министрлігін қатар атқаратын сауда және индустрия министрі Ко По Кун Астана жасаған сапарында «ЭКСПО-2017» көрмесіне қатысатындарын ресми түрде мәлімдеді, деп хабарлайды ҚР СІМ-і.
IX-шы Астана экономикалық форумы аясында сингапурлық министр «ЭКСПО-2017» көрмесінің Комиссары Рәпіл Жошыбаевпен кездесті. Кездесу кезінде Ко По Кун Қазақстанның Орта Азиядағы Сингапурдың маңызды саяси және сауда-экономикалық серіктесі екенін атап өтті. Ол сонымен қатар, «ЭКСПО» көрмесінің екі жақтың да қарым-қатынасының дамуына тың серпін беретінін айтты. Қазіргі уақытта Сингапур «Болашақтың энергиясы» тақырыбы аясында павильонның тұжырымдамалық жоспарын жасап жатыр.
Сингапур «ЭКСПО-2017» көрмесіне қатысатынын растаған 86-шы мемлекет.
