• Басты
  • Елбасы Халықаралық консультативтік кеңес мүшелерімен кездесті
25 Мамыр, 2016 19:36

Елбасы Халықаралық консультативтік кеңес мүшелерімен кездесті

Елбасы Халықаралық консультативтік кеңес мүшелерімен кездесті, деп хабарлады Ақорданың баспасөз қызметі.
Елбасы Халықаралық консультативтік кеңес мүшелерімен кездесті

Кездесуге кеңес төрағасы, Австрияның бұрынғы Федералдық канцлері А.Гузенбауэр, Польшаның бұрынғы президенті А.Квасьневский, Еуропалық комиссияның бұрынғы төрағасы, Италияның бұрынғы Премьер-Министрі Р.Проди, Израильдің бұрынғы Премьер-Министрі Э.Барак қатысты.

Кездесуге қатысушылар Қазақстан экономикасының негізгі даму бағытын, мемлекеттік бағдарламалардың жүзеге асырылу барысын, сондай-ақ Еуроодақ елдерімен ынтымақтастықты нығайту үшін қабылданып жатқан шараларды, Дүниежүзілік сауда ұйымына мүшеліктің артықшылықтарын пайдалану мәселелерін талқылады.

Қазақстан Президенті әлемдік экономикадағы құбылмалылыққа, оның біздің елге де әсер етіп отырғанына назар аударды.

« Жаһандық экономика өсімі болжанған көрсеткіштерден төмен болып шықты. Бұған қоса, әлем қандай бағытта жылжып бара жатқаны, оны қысқа  және ұзақ мерзімді кезеңде не күтіп тұрғаны туралы көңілге қонымды сарапшылық пікір жоқ. Қазір Еуропада, Ресей мен Қытайда күрделі үдерістер жүріп жатыр. Осының бәрі болашақ жаһандық даму тұрғысынан зор қызығушылық тудырады. Сонымен қатар, біздің ел аталған қиындықтарға қарамастан бұдан әрі ілгерілеуді қамтамасыз ете отырып, өз реформаларын жүзеге асыруын жалғастыруда, – деді Мемлекет басшысы.

Кеңес мүшелері кездесу үшін алғыс айтып, жаһандық күн тәртібінде тұрған өзекті саяси және экономикалық мәселелерге қатысты пікірлерін ортаға салды.

Атап айтқанда, Австрияның бұрынғы Федералдық канцлері А.Гузенбауэр Қазақстан жүзеге асырып жатқан реформалар жаңа жаһандық сын-қатерлерге уақытылы берілген жауап екенін және олар біздің республикамызға мейлінше дамыған елдер клубынан орын алуға мүмкіндік беретінін атап өтті.

Израильдің бұрынғы Премьер-Министрі Э.Барак отандық агроөнеркәсіп кешенін дамыту мәселелеріне тоқталды. Ол Қазақстанның әлемдік азық-түлік нарығында бәсекеге қабілетті орынды иеленуі үшін қажетті барлық ресурсқа ие екенін мәлімдеді.

Польшаның бұрынғы президенті А.Квасьневский әлеуметтік мәселелерді шешуге, адам капиталын жетілдіруге, шағын және орта кәсіпорындарды қолдауға бағытталған реформалардың арқасында елдің жүйелі дамып келе жатқанын атап өтті.

Еуропалық комиссияның бұрынғы төрағасы әрі Италияның бұрынғы Премьер-Министрі Р.Проди Еуразиялық экономикалық одақ пен Еуропалық одақтың арасындағы қарым-қатынастың даму әлеуеті зор екеніне, ол барлық тарапқа, соның ішінде Қазақстанға пайда әкеле алатынына назар аударды.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды