• Басты
  • Мемлекеттік хатшы Ғылыми кеңестің ЕҰУ-дің 20 жылдығына арналған салтанатты жиынына қатысты
25 Мамыр, 2016 17:48

Мемлекеттік хатшы Ғылыми кеңестің ЕҰУ-дің 20 жылдығына арналған салтанатты жиынына қатысты

Мемлекеттік хатшы Гүлшара Әбдіқалықова Л.Н.Гумилев атындағы Еуразия ұлттық университеті Ғылыми кеңесінің осы оқу орнының 20 жылдығына арналған салтанатты жиынына қатысты, деп хабарлады Ақорданың баспасөз қызметі.
Мемлекеттік хатшы Ғылыми кеңестің ЕҰУ-дің  20 жылдығына арналған салтанатты жиынына қатысты

Салтанатты шараға мемлекеттік органдар, дипломатиялық корпус, ғылым және білім саласы,  БАҚ өкілдері, көрнекті қоғам қайраткерлері, Қазақстан және шетел университеттерінің ректорлары, жоғары оқу орнының түлектері, студенттер қатысты.

Шараның ашылуында сөз сөйлеген Г.Әбдіқалықова Мемлекет басшысының  құттықтауын оқып берді. Құттықтауда 1996 жылы арнаулы жарлықпен құрылған университет бүгінде отандық жоғары оқу орындары арасындағы көшбасшының біріне айналғаны және Астананың рухани әрі зияткерлік орталығы болып отырғаны атап көрсетілген. Қазақстан Президентінің Еуразия ұлттық университеті алдағы уақытта да «Мәңгілік Ел» жалпыұлттық патриоттық идеясын іске асыру үшін білікті мамандар даярлайтын маңызды ғылыми-ағартушылық мекеменің бірі болып қала беретініне сенім білдіргені айтылған.

Бүгінде Еуразия ұлттық университеті – еуразиялық идеяның іс жүзіне асуы, сонымен қатар Еуропаның, Азияның, Американың 258 жоғары оқу орнымен, түрлі ғылыми-зерттеу орталықтарымен, шет мемлекеттердің елшіліктерімен, халықаралық білім қорларымен ынтымақтастық орнатқан болашақтың университеті.

Қазіргі уақытта Л.Н.Гумилев атындағы ЕҰУ-да көпдеңгейлі даярлықтан өткізілетін 168 мамандық бойынша 16 мыңнан астам студент білім алуда. Мұнда 2011 жылдан бастап 250-ден астам пән ағылшын тілінде оқытылады. Нұрсұлтан Назарбаевтың бастамасымен 2000 жылы университет базасында М.В.Ломоносов атындағы Мәскеу мемлекеттік университетінің қазақстандық филиалы ашылды.

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды