Қызылордада Президенттік институттың рөлі мен маңызы талқыланды
«Конференция жұмысына облыс әкімі, саяси ғылымдарының докторы Қырымбек Көшербаев қатысты. Жалпы, конференцияда ғалымдардың 50 – ге жуық баяндамалары тыңдалады», - делінген хабарламада.
Конференция аясында Қазақстан Тәуелсіздігін қалыптастырудағы Президенттік институттың маңызы және Қазақстандағы мемлекеттің эволюциясы: тарихы мен тағылымы тақырыбында секциялық жұмыстар жүргізілді.
Ғылыми-конференцияның пленарлық мәжілісін Қорқыт Ата атындағы Қызылорда мемлекеттік университетінің ректоры, техника ғылымдарының докторы, профессор Қылышбай Бисенов ашты.
Конференцияға Қазақстан Республикасы Парламенті Мәжілісінің депутаты, саяси ғылымдарының докторы, профессор Бұрханов Қамал Низамұлы, Қазақстан Республикасы Білім және ғылым министрлігінің Мемлекет тарихы институты директорының орынбасары, тарих ғылымдарының кандидаты Қашқымбаев Амангелді Нүркейұлы, Украинаның Қырым инженерлік - педагогикалық институтының доценті, педагогика ғылымдарының докторы Девлетов Ремзи Рафикович, Корей Республикасы Кангнам университеті Қазақстантану кафедрасының меңгерушісі, филология ғылымдарының докторы, профессор Ким Фил, Москва қаржы - өнеркәсіп университетінің Қазақстан Республикасындағы өкілдігінің бас директоры, экономика магистрі Қасымбергебаев Бауыржан Тлеубергенұлы және Қорқыт Ата атындағы Қызылорда мемлекеттік университетінің ғалымдары қатысып, тәуелсіз Қазақстанның қалыптасуы, Елбасының көшбасшылығының феномені және т.б. осы сынды бірқатар мәселелерге жан-жақты талдау жүргізді.
