• Басты
  • ИИДМБ: Жамбыл облысында жылына 1,2 млн тонна цемент өндіріледі
25 Мамыр, 2016 16:27

ИИДМБ: Жамбыл облысында жылына 1,2 млн тонна цемент өндіріледі

Жамбыл облысында Мыңарал цемент зауыты «Мыңарал Тас компани» ЖШС-гі жұмыс атқаруда. Кәсіпорын M400-D20, M500 маркалы жоғары сапалы цемент өндіреді. Зауыт жылына 1,2 млн тонна цемент шығарады, деп хабарлады облыс әкімдігінің баспасөз қызметі.
ИИДМБ: Жамбыл облысында жылына 1,2 млн тонна цемент өндіріледі

Жалпы құны 35 млрд теңгені құрайтын жоба индустриялық-инновациялық даму бағдарламасы бойынша Мыңарал ауылында жүзеге асырылды. Осы жобаның жүзеге асырылуына «Vicat Group» француз компаниясы қатысты.

Бүгінде, зауыт өңірде табысты жұмыс жасап жатқан ең ірі кәсіпорындардың бірі. Өндіріліп отырған құрылыс өнімдерінің көлемі жыл сайын өсуде. Цемент зауыты қазіргі заманға сай технологиялармен жабдықталған.

Мыңарал цемент зауыты өз өнімдерін республиканың барлық өңірлеріне, сондай-ақ көрші Қырғызстанға экспорттайды.

Кәсіпорын жұмысшыларына қолайлы жағдай жасау үшін, аумағында арнайы балабақшасы, медициналық орталығы, кітапханасы, бильярд бөлмесі, мини – маркет дүкені, фитнес орталығы бар «Самал» қалашығы салынды. Тұрақты жұмыс орнымен 244 жұмысшы қамтамасыз етілді. Сондай-ақ, зауытқа өздерінің қызметтерін көрсететін мердігерлер арқылы, 200-дей жергілікті тұрғындар жұмысқа тартылды.

Атап айтқанда, «Мыңарал Тас компани» ЖШС-гі ауыл тұрғындарының коммуналдық қызмет ақыларын төлейді. Кәсіпорын мектеп оқушыларын және жұмысшыларды тасымалдау үшін  көлікпен қамтамасыз етеді.

Еске саламыз, Мыңарал цемент зауыты 2010 жылы Мемлекет басшысы Нұрсұлтан Назарбаевтың қатысуымен өткен телекөпір барысында ашылған.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды