Н.Назарбаев Ван дер Белленді Федералдық Австрияның Президенті лауазымына сайлануымен құттықтады
24 Мамыр, 2016 18:59
ҚР Президенті Нұрсұлтан Назарбаев Александр Ван дер Белленді Австрия Федералдық Республикасының Президенті лауазымына сайлануымен құттықтап, Қазақстан халқының және жеке өзінің атынан құттықтау жолдады, деп хабарлайды Ақорданың баспасөз қызметі.
Мемлекет басшысы Қазақстан мен Австрия арасындағы достыққа негізделген өзара тиімді ынтымақтастық екі ел халқының игілігі үшін дами беретініне сенім білдірді.
Нұрсұлтан Назарбаев А.Ван дер Белленге мықты денсаулық, жауапты қызметіне табыс, сондай-ақ достас Австрия халқына бақ-береке тіледі.
