• Басты
  • Мәжілісте ТүркПА-ның әлеуметтік, мәдени және гуманитарлық мәселелер бойынша комиссия отырысы өтті
24 Мамыр, 2016 16:47

Мәжілісте ТүркПА-ның әлеуметтік, мәдени және гуманитарлық мәселелер бойынша комиссия отырысы өтті

Мәжілісте Түркітілдес елдер парламенттік ассамблеясының әлеуметтік, мәдени және гуманитарлық мәселелер бойынша комиссиясының бесінші отырысы өтті,деп хабарлады Мәжілістің баспасөз қызметі.
Мәжілісте  ТүркПА-ның әлеуметтік, мәдени және гуманитарлық мәселелер бойынша комиссия отырысы өтті

Жиынға Қырғыз Республикасы Жогорку Кенешінің депутаты, аталған комиссияның төрағасы  Садық Шер-Нияз жетекшілік етті. Атап өткеніндей, комиссия ТүркПА-на мүше-мемлекеттердің тарихи тамырластығына, мәдени байланысына сүйене отырып, парламентаралық ықпалдастықтың нығаюына, ең бастысы – халықтар арасындағы бауырластық қарым-қатынастың нығаюына ықпал етеді.

Комииссия жұмысына Түркі Кеңесі, ТҮРКСОЙ, Түркі Академиясы сынды басқа да халықаралық институттар қолдау көрсетеді.

Отырыстың ашылуында Парламент Мәжілісінің депутаты Сауытбек Әбдрахманов көне тарихтың терең түкпірінде тамырласқан түбір бір туысқан ел өкілдеріне ыстық ықыласын жеткізіп, біздің достығымыз – тарихтың қатал сынынан өткен, ғасырлар қойнауынан жеткен ұлы достық. біздің мұңымыз ортақ, біздің сырымыз ортақ, біздің жырымыз ортақ,-дей келе, Қазақстан Президенті Нұрсұлтан Назарбаевтың ұсынысымен құрылған Түркі тілдес елдерінің Парламенттік Ассамблеясы – сол дәстүрлі достықты бекіте түсудің бір тетігі екендігін атап өтті.   

Одан әрі Мәжіліс депутаты Комиссияның отырысына арқау болған  «Апат және дағдарысқа қарсы күрес жағдайында ТүркПА елдерінің ынтымақтастығы» тақырыбының,  әлемдік алпауыттар арпалысқан, дағдарыс шиеленіскен  жауапты шақта, жаһандық тұрақсыздықтың қазіргідей күрделі кезеңінде айрықша маңызға ие екендігіне тоқталды.  Өйткені, апат та, дағдарыс та бір ғана мемлекетте болып, басқаларда болмайды немесе оларға әсерін тигізбейді деп айта алмаймыз. Бұл проблемалар баршамызға ортақ деген С. Әбдрахманов биыл 25 жыл толып отырған Семей ядролық полигонының жабылуын ұлы оқиғаға теңеді.  

Күн тәртібіне сәйкес, отырыс барысында «Апат және дағдарысқа қарсы күрес жайында ТүрПА елдерінің ынтымақтастығы» (Мұстафа Бозкурт, Түркия Ұлы Ұлттық Мәжілісіне депутаты), «Қазақстандағы апатты жағдайлардың алдын алу, төтеп беру және бұл мәселеде басқа елдермен, оның ішінде түркітілдес елдермен ынтымақтастық мүмкіндіктері» (В. Беккер, ҚР ІІМ Төтенше жағдайлар комитетінің төрағасы) тақырыптарында баяндама жасалып, кең көлемде талқылаудан өтті.

Сонымен қатар, жиынға қатысушылар апат және күрес жайында ТүркПА елдерінің ынтымақтастығы жөніндегі ұсыныстарды қабылдады. Ол келер жылы Қырғызстанның Баку қаласында өтетін Түркітілдес елдер парламенттік ассамблеясының  әлеуметтік, мәдени және гуманитарлық мәселелер бойынша комиссиясының алтыншы отырысына шығарылмақ.

Айта кетейік, отырысқа қос Палатаның,  Әзербайжан, Қырғызстан, Түркия Парламенттерінің депутаттары, сондай-ақ, Түркі кеңесінің, Түркі мәдениеті халықаралық ұйымының (ТЮРКСОЙ) мүшелері, дипломатиялық корпус өкілдері қатысты.  

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды