Қызылордада биыл 6 мың оқушы мектеп бітіреді

24 Мамыр, 2016 20:43

Ертең Қызылорда облысында 298 мектепте соңғы қоңырау соғылады. Салтанатты шараға 136991 оқушы қатыспақ, деп хабарлады облыс әкімдігі.

Осынау жауапты сәтке биылғы түлектермен қатар ұстаздар қауымы, ата-аналар жан-жақты дайындалуда.

Қызылорда облысында білім сапасын жақсартуға барлық жағдай жасалған. Мәселен, Қызылорда облысы жан басына шаққанда білім саласына қаржы бөлуден республикада көш бастап тұр. Өткен оқу жылында мектеп бітірушілердің 93,6 пайызы өздері қалаған мамандықтары бойынша оқуға түскен. Сондай-ақ, 321 қызылордалық Ресей Үкіметінің гранты есебінен Мәскеу мен Санкт-Петербургтің мақтаулы оқу орындарында білім алуда. Биыл тағы 250 грант бөлінеді.

«Жалпы, биыл 6566 оқушы мектеп бітіреді. Оның 4559-ы, яғни 69,5 пайызы ҰБТ тапсыруға ниет білдіріп отыр. Сынақ тапсыратындардың басым бөлігі жаратылыстану-математика бағытын таңдауда. Түлектердің 352-сі «Алтын белгіге», 135-і «Үздік аттестатқа» үміткер» , - делінген хабарламада.

Барлық жаңалықтар