Қазақстанның салалық қауымдастық құру тәжірибесі Орта Азияда оң бағаланды
«Бішкекте «Орта Азия өңіріндегі тұрақты үкіметтік емес ұйымдардың қалыптасу тәжірибесі» атты екі күндік шеберлікте тау-металлургия кәсіпкерлігі қауымдастығы жұмысының тәжірибесі таныстырылды. Оған азаматтық емес секторлардың үкіметтік емес ұйымдары, жұмыскерлердің кәсіби кеңесі, Қазақстан, Қырғызстан, Тәжікстан, Түркменстан мен Өзбекстанның кәсіпкерлік бірлестіктері қатысты», - делінген хабарламада.
Орта Азия елдеріндегі әріптестеріне кен-металлургия кәсіпкерлігі қауымдастығының тәжірибесін HR-жобасы орталығының директоры Мәрлен Сихаев таныстырды.
«Біз кен-металлургия саласы бойынша білім берудің мемлекеттік және кәсіби стандарттарын сараптап жатырмыз және кәсіпкерлікке инвестициялық жобаларды байлау үшін салалық кадрларға деген мұқтаждықтың өлшемін анықтаудамыз. Қазіргі таңдағы біздің ең үлкен міндетіміз – өзіміздің базада пилоттық режимде тәуелсіз бағалау және біліктілікті арттыру орталығын ашу», - деді Сихаев.
Шараға қатысушылар қауымдастықтың тәжірибесін жоғары бағалап, Орта Азия көлемінде аталмыш жобаның теңдессіз екенін мойындады. Сонымен қатар, тәжірибе бөлісу мақсатында оқыту семинарларын біздің елде жасауға мүдделі екендіктерін білдірді.
Естеріңізге сала кетейік, аталмыш қауымдастық Қазақстандағы ірі салалық бірлестікке жатады. Ол қара және түсті металлургия, уран және көмір өнеркәсібі бойынша дүние жүзі бойынша алдыңғы қатарлы 95 компанияның құрамына кіреді.
