Астанада «Қазақстан-2050» Стратегиясының» негізгі бағыттары бойынша көрме ашылды

22 Қараша, 2013 17:18

ҚР Ұлттық академиялық кітапханасының «Көрме» залында «Қазақстан-2050» Стратегиясы: қалыптасқан мемлекеттің жаңа саяси бағытына» арналған кітап-суреттеу көрмесі жұмысын бастады, деп хабарлайды кітапхананың баспасөз қызметі.

«Көрменің міндеті – оқырманды «Қазақстан-2050» Стратегиясының негізгі бағыттарымен таныстыру, қалыптасқан мемлекетіміздің жаңа экономикалық-саяси бағыттарын түсіндіру және 2050 жылға дейін Қазақстанның әлемдегі ең дамыған 30 елдің құрамына ену мүмкіндіктерін көрсетіп, әлеуетін таныстыру», - делінген хабарламада.

Көрме Қазақстан дамуының жаңа бағыты, Астанада «ЭКСПО-2017» көрмесін өткізу, еліміздегі жастар мен мемлекттің әлеуметтік саясаты және Қазақстан халықтарының достығы мен бірлігіне арналған төрт бөлімнен тұрады.

Сонымен қатар, көрмеге 400 кітап, көптеген альбомдар мен электронды материалдар қойылған.

«Экспозициялардың ішінде көзге ұрып көрінгені «Өмір-Бәйтерек» ағаш макеті болды. Онда Елбасының болашақ Қазақстан жайлы айтқан ұлағатты сөздері жазылған», - дейді шараны ұйымдастырушылар.

Барлық жаңалықтар