Қазақстан өнімдерді экспорттауға 45 ең тиімді нарықты анықтады - Ә.Исекешев

22 Қараша, 2013 17:00

Экпорттық стратегия аясында Қазақстан қазақстандық өнімдерді өткізу үшін 45 ең тиімді нарықты анықтады, деп хабарлады Премьер-Министрдің орынбасары - индустрия және жаңа технологиялар министрі Әсет Исекешев ірі бизнестің "Эксперт-200-Қазақстан" V экономикалық форумы барысында, деп Премьер-Министрдің ресми сайты Премьер-Министрдің орынбасары, Индустрия және жаңа технологиялар министрі Әсет Исекешевке сілтеме жасай отырып хабарлады.

"Ерекше тиімділікке экспортқа бағытталған сектордың өнімдері ие болады. Алдын ала экспорттық стратегия аясында біздің өнімдерге арналған нарықтарды санап шықтық. Біз 45 нарықты қарастырдық. Ол Ресей шекарасы маңындағы 10 өңір, Беларусь, Украина, Батыс Қытай, Орталық Азия, және біздің батыс жағымызда орналасқан елдер, олар - Түркия, Кавказ", - деп хабарлады Ә.Исекешев.

Вице-премьер өнеркәсіпті одан әрі үдемелі дамыту экспортты дамытусыз мүмкін еместігін және бұл мәселеде Кедендік одақ маңызды рөлге ие екендігін айтты.

"Бұл нарықтардың таяу 10 жылға әлеуетін есептеп, осы нарықтарда қандай өнімдер әлеуетке ие екендігін қарап, басымдықтарды таңдадық. Сондықтан, келесі даму аясында Кедендік одақ әлеуеті үлкен орынға ие деп есептейміз", - деп басып айтты ол.

Сонымен қатар, Индустрия министрлігінің басшысы жаңа нарықтарға, нақты айтқанда Ауғаныстанға экспортты айтарлықтай арттырғанын атап өтті.

"Ауғаныстанға қазақстандық экспорт биылғы жылы 300 млн долларға жетті. Бұл, негізінен шикізаттық емес экспорт. Бұл маңызды көрсеткіш, жеке кәсіпорындарымыз осындай нарықтарға шыға бастады", - деп қортындылады Ә.Исекешев.

Барлық жаңалықтар