Алматыдағы жәрмеңкеге аграрилер 60 тоннадан астам өнім әкеледі
19 Мамыр, 2016 20:07
2016 жылдың 21 мамырында Алматыда қала мен Алматы облысының ауылшаруашылық жәрмеңкесі өтеді., деп хабарлады Алматы қаласы әкімінің баспасөз қызметі.
Алматы облысының 7 ауданы мен қаланың 40 кәсіпорындары өз өнімдерін ұсынатын болады.
Жәрмеңке күні 50 –ден астам өнім түрлері сатуға қойылады. Олар- ет, сүт, көкөніс, шұжық, ұн, жарма және басқа да қажетті өнімдер, бұлардың жалпы құны 45 млн. теңгені құрайды.
Алматылықтар мен қала қонақтары үшін жәрмеңкеге 61 тонна өнім жеткізіледі: ет өнімдері – 18 тонна,көкөніс, жеміс – 32,7 тонна,сүт өнімдері – 4,6 тонна,өзге өнімдер – 5,2 тонна.
