Астанада Қазақстан халқы Ассамблеясының кеңейтілген отырысы өтті
«Кеңес жұмысына Үкімет мүшелері, Парламент депутаттары, мемлекеттік органдардың өкілдері, республикалық этномәдени бірлестіктер басшылары, ғылыми-сарапшылық кеңестің және БАҚ-ң өкілдері қатысты», - делінген хабарламада.
Елбасы Н.Ә. Назарбаевтың Қазақстан халқы Ассамблеясының ХХ сессиясында этносаралық қарым-қатынас саласындағы жұмысты жандандыру бойынша берген тапсырмаларының орындалуын қорытындылап, мемлекеттік этносаясатты жетілдіру, ел бірлігі мен қоғамдық келісімді әрі қарай дамытудың негізгі мәселелерін нақтылап өтті.
Отырыс барысында келесі мәселелер тыңдалды: Қазақстан халқы Ассамблеясының Қазақстан Республикасы Парламенті Мәжілісіндегі депутаттық тобының қызметі туралы; Оңтүстік Қазақстан облысы Қазақстан халқы ассамблеясының қызметі туралы; халыққа әлеуметтік көмек көрсетудің еуропалық тәжірибесін енгізу туралы және Достық үйлерінің қызметі туралы.
