Ұлттық кәсіпкерлер палатасы «Бизнестің жол картасы-2020» бағдарламасы бойынша субсидиялаудың жаңа механизмін ұсынады

22 Қараша, 2013 16:00

ҚР-да Ұлттық кәсіпкерлер палатасы «Бизнгестің жол картасы-2020» бағдарламасы бойынша субсидиялаудың жаңа механизмін ұсынады, деп мәлімдеді ҚР Парламент Мәжілісі Экономикалық реформа және өңірлік даму комитетінің мүшесі Асхат Бекенов ОКҚ брифингінде.

Естеріңізге сала кетейік, 11 қазандағы Үкіметтің кеңейтілген отырысында Мемлекет басшысы 43 аудан мен облыстық маңызы бар қалаларда «Бизнестің жол картасы-2020» бағдарламасы бойынша пайыздық төлемді субсидиялау жұмыстарының жүргізілмей жатқанын сынаған еді. Аталмыш жұмыс бойынша Батыс Қазақстан облысы, Шығыс Қазақстан облысы, Маңғыстау мен Қарағанды облыстарында белсенділіктің байқалмай жатқанын айта келіп, Ақмола, Алматы, Қарағанды, Шығыс Қазақстан мен Оңтүстік Қазақстан облыстарында бірде бір гранттың бөлінбегенін мәлімдеген. Ал 10 аудан мен облыстың маңызы бар қалаларда бірде бір бастауыш кәсіпкерге шағын несие берілмегенін айтқан болатын.

Осыған орай, ОКҚ брифингінде А.Бекенов Қазақстан кәсіпкерлерінің ұлттық палатасы «Бизнестің жол картасы-2020» бағдарламасы бойынша Үкіметке субсидиялаудың жаңа механизмін ұсынатынын жеткізді.

«Түрлі жобалар бойынша кәсіпкерлердің қолдау табатын координациялық кеңесі мүшелерінің көбі жобаның шын бағасын түсінетін кәсіпкерлер мен ғалымдардан емес, атқарушы биліктің өкілдерінен тұралы», - деді депутат.

Ұсынылғалы отырған жаңа механизмге сай, кәсіпкерлік жобаларды қарайтын координациялық кеңеске көбіне кәсіпкерлер мен ғалымдар қабылданбақ.