Республикалық чемпионатта Ақмола облысының жас сарбаздары бірінші орын алды
19 Мамыр, 2016 08:57
Бурабай ауданының «Намыс» әскери-патриоттық клубы әскери-қолданбалы спорт түрінен әскерге дейінгі жастар арасында өткен Қазақстан чемпионатында жалпыкомандалық есепте бірінші орын алды, деп хабарлайды Ақмола облыстық ішкі саясат басқармасы жанындағы «Ақмола Медиа Орталығы».
ҚР Қорғаныс министрлігінің Ақмола облысы Щучинск қаласындағы ЦСКА оқу-жаттығу орталығында әскери-қолданбалы спорт түрінен әскерге дейінгі жастар арасында республикалық чемпионат өтті.
Чемпионатқа Қазақстанның әскери-патриоттық клубтарының мықты командалары жиналды. Ақмола облысының намысын кезекті рет Бурабай ауданының «Намыс» әскери-патриоттық клубына қорғауға тура келді.
Олар жекелеген әскери-қолданбалы спорт түрлерінен сайысты – шағын калибрлі мылтықпен ату турнирі, әскериленген кросс бойынша және түрлі кедергілерден өту мен жетісайыс бойынша күш сынасты.
Балалар екі жас тобы бойынша өз шеберліктерін көрсетті. Төмен жастағылар 14 – 15 жастағыла және жасы үлкендері 16-17 жаста.
