Астанада ҚР Президентінің Күніне орай «Тұңғыш-Первый» деректі кино апталығы өтеді
«Кино апталығы аясында 26 қараша күні сағат 13.00-те Назарбаев Орталығының көрме залында «Н. Назарбаев. Өмірбаян», ҚР Тұңғыш Президенті – Елбасының қызметін жан-жақты бейнелейтін интерактивті экспозициясының ашылу рәсімі өтеді», - делінген хабарламада.
Апта бойы Елбасының өмірбаяны мен қызметінің сан алуан қырын бейнелейтін 8 деректі фильм көрсетіледі. Кино апталығының әрбір күні тәуелсіз Қазақстан тарихының қилы кезеңі мен мемлекеттің дамуындағы Н.Ә. Назарбаевтың рөліне арналады.
Күн сайын сағат 14.00 мен 17.00-де екі киносеанс көрсетіліп отыратын болады. Аудиторияның басым бөлігін, шамамен 4 мыңға жуық көрерменді: жоғарғы оқу орны мен колледж студенттері, жалпы білім беретін мектеп оқушыларын қамтымақ. Үздік оқушыларға ұйымдастырушылар атынан естелік сыйлықтар беріледі.
Жоспарланған шараны өткізетін күндері Елбасымызбен қызметтес болған белгілі отандастарымыз, қоғам және саяси қайраткерлер, назарға ұсынылатын деректі фильмнің авторлары мен қатысатын кездесулер өтіп, талқыланбақ.
