ҚР Президенті Тараз қаласындағы «Жүрек» кардиохирургиялық клиникасына барды

«Нұрсұлтан Назарбаевқа аурухананың хирургиялық және терапевтикалық бөлімі, заманауи медициналық қондырғылары таныстырылды.  Кездесу аясында Нұрсұлтан Назарбаев Қазақстанда тек мемлекеттік медицина мекемелерін ғана емес, жеке меншік медицина мекемелерін дамыту өте маңызды екенін атап өтті», - делінген хабарламада.

«Жүрек» клиникасының стационары 80 адамға шақталған. Оның ішінде  жеке кардиология бөлімі-50 орын, кардиохирургия – 20 орын, жан сақтау бөлімі – 10 орын.

Жалпы, «Жүрек» клиника қызметкерлерінің штаттық құрылымына 135 қызметкер енеді, оның ішінде 27 дәрігер, 54 орта медицина қызметкерінің құрам бірлігі.

Клиниканың жобалық құны – 1,5 млрд теңге, қондырғылардың құны – 800 млн теңге.