• Басты
  • А.Есімов: 10 маусымнан бастап ЭКСПО-2017 көрмесі билетінің онлайн-сатылымы басталады
16 Мамыр, 2016 16:54

А.Есімов: 10 маусымнан бастап ЭКСПО-2017 көрмесі билетінің онлайн-сатылымы басталады

10 маусымынан бастап ЭКСПО-2017 көрмесі билетінің онлайн-сатылымы басталады,деп мәлімдеді бүгін Қоғамдық кеңестің отырысында «Астана ЭКСПО-2017» Ұлттық компаниясы» АҚ басқарма төрағасы Ахметжан Есімов.
А.Есімов: 10 маусымнан бастап ЭКСПО-2017 көрмесі билетінің онлайн-сатылымы басталады

«Онлайн сатылым 10 маусымда басталады», - деді А.Есімов.

Сонымен қатар, компания басшысы көрмеге келу бағасы қазақстандықтар үшін барынша қолжетімді болатынын  айтып өтті.

«Халықаралық көрмелер бюросымен жүргізген келіссөздер барысында билеттерге төменгі бағаны белгілеуге мүмкін болды. Осы ретте көрмеге баруға Қазақстан азаматтары үшін барынша жеңілдіктер ескеріліп отыр. Қазіргі кезде көрмеге кіру құны кино билетінің бағасынан біршама қымбаттау болатынын айта аламын», - деді ол.

А.Есімов бүгінгі таңда 84 ел және 14 халықаралық ұйымның көрмеге қатысатынын растағанын айтып өтті.

«Жалпы тіркеу құжатына сәйкес кем дегенде 100 елді тарту қажет. 100 елге қатысты ешқандай күмәніміз жоқ. 84 және қосымша 20 дамушы ел - олар жеке бағдарлама бойынша. Көрмеде 100 ел қатысатынына еш күмәніміз жоқ», - деді ол.
 

Барлық жаңалықтар
3.237.254.197, 192.168.88.100