Венада қазақстандық киноның күндері өтті
16 Мамыр, 2016 18:31
Венада ҚР Тәуелсіздігінің 25 жылдығын мерекелеу аясында Шәкен Айманов атындағы «Қазақфильм» киностудиясының қолдауымен вендік кинотеатрда қазақстандық киноның күндері өтті, деп хабарлады СІМ.
Австриядағы Қазақстанның елшісі Қайрат Сарыбай қазақстандық кино күндері Қазақстан мен Австрия арасындағы екіжақты қарым-қатынастың дамуына әсер етеді, сондай-ақ, австрия мен еуропалық қоғамға қазақстандық киноматографиясымен танысуға мүмкіндік береді.
Қазақстандық дипломат айтып өткендей, фильмдер Қазақстан тарихының ауқымды кезеңін қамтиды.
«Қазақфильм» АҚ президенті Бақыт Қайырбеков көрермендердің аса қызығушылығы үшін алғыс айтып, қазақ кинематографистерінің киноның ұлттық мектебіндегі дәстүрін жалғастырып келе жатқанын айтты.
«Шал» фильмінің премьералық көрсетілімінде басты рөлді сомдайтын Ерболат Тоғұзақовты австриялық саяси-қоғамдық мүшелері мен іскерлік орталарының мүшелері жылы шаыраймен қарсы алды.
