ШҚО әкімі өткен жылы жөнделген жолдарға тексеріс жүргізуді тапсырды

Мердігерлер кепілдендірілген міндеттер аясында қысқы және көктемгі мерзімнен кейін жолдардың жағдайын тексереді. Бұл тапсырманы аймақ басшысы Даниал Ахметов аппараттық кеңес барысында мәлімдеді.

«Өткен жылы Өскеменнен Риддерге дейін орташа жөндеу жұмыстары орындалды. Барлық мердігерлер жолдың жағдайын тексерсін. Себебі, барлық жерде жұмыс нақты жүргізілмеген», - деді әкім.

Аймақ басшысының басты назарында жолдардың «орташа жөнделуі». Облыстың кейбір аудандарында аталмыш жұмыс толық орындалып отырған жоқ. Өскемен-Бобровка, Өскемен – Самарка бағытындағы жолдар негізгі тегістеусіз төселіп жатыр.

Аймақ басшысы  атап өткендей, қала мен аудандарды абаттаныду бойынша жұмысты белсенділету керек.