Ақмола облысында үздік педагог анықталды (ФОТО)

16 Мамыр, 2016 20:43

Атбасар қ. №1 Индустриалды-техникалық колледжінде техникалық және кәсіптік, ортадан кейінгі білім беру ұйымдарының арасында жыл сайынғы «Үздік педагог-2016» конкурсының облыстық кезеңі басталды, деп хабарлады Ақмола облысы ішкі саясат басқармасы жанындағы «Ақмола Медиа Орталығы».

Облыстық конкурсқа қатысуға 18 педагог өтініш білдірді.

Конкурстық марафонға дәстүрлі түрде үш кезеңнен тұрды: «Менің кәсіби ұстанымым» атты оқытушының өзін-өзі таныстыруы;шебер-сынып;мұғалімнің шығармашылық зертханасы (қатысушы қызметінің көркем көрінісі, сабақтарының авторлық, ғылыми-әдістемелік әзірлемелері, оқу бағдарламалары, құралдары, оқу-әдістемелік кешендері және т.б. болуы);

Сонымен қатар қазылар алқасымен қатысушылардың портфолиосы және «Мен- заманауи педагогпын» тақырыбында эссе жазу қарастырылды және бағаланды.

Осы жылы конкурс өзінің бірінші мерейтойы – 5 жылдығын тойлап отыр! Бұл таланттар сайысы педагогикалық шеберлік пен озық тәжірибенің нағыз мектебі, педагогикалық практикадағы барлық үздіктерді тарату орталығы атанды.

Биылғы конкурсты ұйымдастырудың ерекшелігі «Үздік педагог» Республикалық атағының иегерлері Р.Т.Нарбаеваның (Чаглинка с. Агробизнес колледжі, 2012 жыл), А.В.Семкиннің (Щучинск қ. Жоғарғы колледжі, 2013 жыл) конкурс қатысушылары үшін озық педагогикалық тәжірибелерін тарату мақсатында шеберлік сыныптарын көрсеткенінде болды.

Кәсіби бағдар беру жұмысының деңгейін арттыру үшін Атбасар ауданының мектеп өкілдері конкурс қатысушыларының «Шығармашылық зертхана» атты көрмесін тамашалап, колледж өкілдеріне қызықтыратын сұрақтарын қойды.

Облыстың өте талантты педагогтар сайысы екі күнге созылды. Конкурс қорытындысы 12 мамыр күні Атбасар қ. №1 Индустриалды-техникалық колледжінде шығарылды.

Бас жүлде иегері Көкшетау қ. Ж.Мусин атындағы Педагогикалық колледжі, балаларды табиғатпен және экология негіздерімен таныстыру әдістемесінің оқытушысы Мұқышева Нұргүл Серікқызы атанды.

1 орынды Атбасар қ. № 1 Индустриалды-техникалық колледжінің ағылшын тілі оқытушысы Голец Юлия Валерьевна иеленді.2 орынға Щучинск қ. Педагогикалық колледжі, дене тәрбиесі және арнайы пәндер: дене шынықтыру және массаж оқытушысы Венгловский Виктор Степанович иеленді.3 орын Қатаркөл с. Ауылшаруашылығы колледжінің ағылшын тілі оқытушысы Кампут Дарья Викторовнаға берілді.

Конкурстың қалған қатысушылары Ақмола облысы білім басқармасының грамоталарымен және Астана қ. және Ақмола облысы білім және ғылым қызметкерлерінің кәсіподағының және әлеуметтік серіктестердің: «Салтанат» сұлулық салонының, «Стройком» ЖК, «Қамқор Локомотив» ЖШС «АЭРЗ» бағалы сыйлықтарымен марапатталды.

Барлық жаңалықтар