ҚР Премьер-Министрі «Бәйтерек» ҰБХ» АҚ ұжымына жаңа басшы Ерболат Досаевты таныстырды
16 Мамыр, 2016 12:06
«Бәйтерек» ҰБХ» АҚ директорлар кеңесі Ерболат Досаевты холдингтің төрағасы етіп сайлады. ҚР Премьер-Министрі «Бәйтерек» ҰБХ» АҚ ұжымына жаңа басшылары Ерболат Досаевты таныстырды, деп хабарлады Премьер-Министрдің баспасөз қызметі.
Жиналғандардың алдында сөз сөйлеген Ерболат Досаев Мемлекет басшысының тапсырмаларын тиімді жүзеге асыру және мемлекеттік даму институтының одан әрі өркендеуі мақсатында бар күш-жігерін салатынына сендірді.
Кәрім Мәсімов «Бәйтерек» ҰБХ» АҚ бұрынғы басшысы Қуандық Бишімбаевқа жемісті жұмысы үшін алғысын айтып, оған жаңа қызметінде табыс тіледі.
Естеріңізге салсақ, Қ.Бишімбаев ҚР Президентінің Жарлығымен ұлттық экономика министрі болып тағайындалды.
