Қазақстанда жыл басынан бері құқық бұзушылық туралы 740 мың хабарлама мен өтініш қаралды

16 Мамыр, 2016 10:27

Жыл басынан бастап ішкі істер органы құқық бұзушылық туралы 740 мың хабарлама мен өтініш қарастырған. Сотқа дейінгі 136 мың қылмыстық құқық бұзушылық тергеу басталды, деп ҚР Ішкі істер министрі Қалмұханбет Қасымов Мәжіліс Парламентіндегі үкімет сағатында мәлім етті.

«Қазақстанда жыл басынан бастап құқық бұзушылық туралы 740 мың хабарлама мен өтініш қарастырылған, оның ішінде 136 мыңы – қылмыстық құқық бұзушылық және олар бойынша сотқа дейінгі тергеу жұмыстары басталды»,-деді Қ.Қасымов.

Министр екі жыл бойы еліміздің барлық құқық қорғау жүйесі қылмыстық сот iсiн жүргiзуде жаңа модельмен жұмыс істейтіндігін айтып өтті.

«Жаңа Қылмыстық іс жүргізу кодексіне сәйкес, қазіргі күні бізде тергеуге дейінгі тексеріс жүргізілдмейді. Егер бұрындары тергеуге дейінгі тексерістен кейін қылмыс ресми түрде тіркелсе, ал қазір хабарламалар мен өтініштер қылмыс ретінде сотқа дейінгі тергеудің бірыңғай тізіліміне тіркеледі»,-деді Қ.Қасымов.

Спикердің айтуы бойынша, бұл новелла көптеген қызмет жұмыстарының өсуіне себепші болды.

«Өткен жылдың қорытындысы бойынша қызметтік жүктеме бір тергеушіге 41-ші нөмір бойынша 136 қылмыстық істі құрады, анықтаушыға - 51-ші нөмір бойынша 253 қылмыстық іс. Сол себепті осы қызметте біз көптеген қиындықтарға тап боламыз. Олар бүгінгі күні штаттық және материалды-техникалық нығайтуды қалайды»,-деді министр.

Барлық жаңалықтар