Қарағандының 3-ші ЖЭО-да қуаттылығы 110 МВт болатын жаңа энергоблок пайдалануға берілді

«Бұл блоктың енгізілуі станцияның энерго тиімділігін 25 %-ға арттырады. Біздің аймақ үшін жаңа қуат болашақта дамуымыз үшін қосымша қор болып есептеледі. Ал, жаңа құрылғының іске қосылуы – бұл облыс экономикасы үшін үлкен ресурс және қуатты қор»,-деп атап өтті Қарағанды облысының әкімі Нұрмұхамбет Әбдібеков.

«Қарағанды Энергоорталық» компаниясының ақпаратынша, жоба құны 185 млн. долларды құраған. Машина жасау саласы бойынша, бас мердігер мен құрылғыларды жеткізуші СМЕС Қытай ұлттық корпорациясы.

Жаңа энергоблоктың құрылысы осыдан 4 жыл бұрын басталған. Бұл Қарағанды облысын энергиямен қамтамасыз етеді. Жобада алдыңғы қатарлы конструктивті технологиялық шешім іске асырылған. Бүгін «Қарағанды Энергоорталық» ЖШС-і қалаға қосымша 110 МВт электр қуатын  және 180 Гкал/с жылу қуатын беруге дайын.

Қуаттылығы 110 МВт жаңа энергоблоктың құрылысы – бұл станцияны кеңейтудің екінші кезеңі. 2012-ші жылы жаңа турбина іске қосылған болатын.