Нұрлан Ноғаев Армения Республикасының елшісімен сауда-экономикалық саласындағы ынтымақтастықты талқылады

Екі жақтық кездесу кезінде армениялық бизнес өкілдері мен Атырау облысындағы кәсіпкерлер арасында ынтымақтастық қарым-қатынасты жетілдіру және іскер компаниялар арасында өзара мүмкіндіктерді тиімді падалана отырып, сауда саттық саласын өркендету мәселелері талқыланды.

Елбасы Нұрсұлтан Әбішұлы Назарбаевтың халықаралық қатынастағы сарабдал саясатының нәтижесінде тиімді инвестициялық ұсыныстарды жүзеге асыруға мүмкіндіктердің мол екендігін облыс әкімі Н.Ноғаев атап өтті.

«Арменияның Еуразиялық Экономикалық Одаққа енуі өзара қатым-қатынасты тығыз байланыстыруға жағдай жасап отыр. Бұл бағыттағы қол жеткен жетістіктерге тоқталып қалмай, достық қатынаспен қатар, экономикалық әріптестікті тереңдете түсу керек, - деді Атырау облысының әкімі Н.Ноғаев.

Арменияның Елшісі өз сөзінде ауыл шаруашылық саласында тауар айналымын жетілдіруге болатынын тілге тиек етті. Әсіресе жеміс-жидек шырындары мен шарап сусындарын заманауи озық технологиямен әзірлеуге ықыласты екендігін айтты.

«Қазақстан сауда-экономикалық байланыс бағытында Арменияның маңызды серіктесі. Біз әсіресе іскерлік байланыстарды қалыптастыру үшін Атырау облысындағы әріптестермен кәсіпкерлік саласында жұмыс істеуге ниетті екендігімізді жасырмаймыз, - деді Ара Саакян.

Кездесу соңында дипломат жылы қабылдауға ризашылығын білдіріп, облыс әкіміне алғысын айтып, келешекте кәсіпкерлікті кемелдендіре түсуге уағдаласты.