• Главная
  • Қарулы Күштерде әскери техниканы жазғы пайдалану режіміне көшіру жөнінде жұмыстар басталды
14 мая, 2016 12:58

Қарулы Күштерде әскери техниканы жазғы пайдалану режіміне көшіру жөнінде жұмыстар басталды

Қазақстанның Қарулы Күштерінде техника мен қару-жарақты жазғы пайдалану кезеңіне дайындау жөнінде жоспарлы іс-шаралар басталды, деп хабарлады Қорғаныс министрлігінің баспасөз қызметі.
Қарулы Күштерде әскери техниканы жазғы пайдалану режіміне көшіру жөнінде жұмыстар басталды

Бұл бағыттағы белсенді жұмысты «Оңтүстік» өңірлік қолбасшылығына қарасты 01731 әскери бөлімінің әскери қызметшілері алғашқылардың бірі болып бастады.    Техниканы жазғы режімге көшіру бойынша іс-шаралар дәстүрлі болып саналады.

Жыл сайын әскери техниканың әрбір бірлігінде қару-жарақ пен әскери техникаға,  парк-гараж жабдығына маусымдық қызмет көрсету жөнінде жұмыстар кешені жүргізіледі. Қару-жарақ пен әскери техникаға маусымдық қызмет көрсету жылына 2 рет жүзеге асырылады. Жазғы кезеңге пайдалануға дайындалатын техникалар арасында зымыран-артиллериялық қару-жарақ, автомобильді және броньды танкті техника бар. 

Әскери қызметшілер жанар-жағармай материалдарының қысқы сұрыптарын жазғыға ауыстырды. Алдын алу іс-шаралары барысында қозғалтқыштардың, жүріс бөліктері мен т.б. жұмысын қамтамасыз ететін жүйелерге қызмет көрсетіліп, дайындалады. Техника мен қару-жарақ ұдайы негізде бүтін күйде және жауынгерлік әзірлікте болуы тиіс.  Бұған аталмыш техниканы ұқыпты ұстау және оны уақтылы баптау негізінде қол жеткізуге болады.