Қазақстанда қайта өңделген тұрмыстық қалдықтардан пайда алу ұсынылды (ВИДЕО)

13 Мамыр, 2016 17:02

Қазақстанда 100 млн тоннадан артық қатты қалдықтар жиналды, оларды іріктеп және өндіру арқылы энергия мен кіріс алуға болады, деп «Қазақстандық мемлекеттік-жекеменшік әріптестік орталығы» АҚ вице-президенті Айдос Көбетов «Қалалық қалдықтарды басқару саласындағы МЖӘ іске асыру проблемалары мен мүмкіндіктері» атты семинар-жиналыс барысында журналистердің сұрағына жауап берген кезде айтты.

«Өздерініз білетіндей, бүгінгі күні мәселелердің бірі көп көлемді қоқыстың жиналуы болып келеді. Қазақстанда 100 млн тоннадан артық қатты қоқыстар жиналған, яғни жылына 5-6 млн тонна қоқыс жиналады. Болжамды ақпарат бойынша 2025 жылға дейін бұл көрсеткіш 8 млн тоннаға дейін өсуі мүмкін. Бұл көңіл бөлетін мәселе. Бүгінгі күні бұл мәселені «Мемлекеттік-жекеменшік әріптестік туралы» ҚР Заңы арқасында шешуге болады, дегенмен бұл заңнама жеткіліксіз, салалық заңнамаларға өзгерістер енгізу керек»,-деді А.Көбетов.

Маманның айтуы бойынша, әлемдік тәжірибені ескере отырып, бұл мәселені шешудің екі жолы бар: қалдықтарды толық қайта өңдеу және қалдықтарды көму; қоқысты жағу-энергия.

«Яғни, алдын-ала қоқыстар іріктеледі, қоқыстар улы немес зияндылықтары бойынша бөлінеді. Іріктелген қалдықтар өртеледі және одан кейін мемлекет сатып алатын энергия өндіріледі. Аталмыш сұрақ бойынша еуропа елдерінде, АҚШ-та, Азия елдерінде заңнамалық қолдау бар»,-деді ол.

Жалпы алғанда, МЖӘ Қазорталығы төрағасының айтуы бойынша, іске асырылған жобалар- Шығыс Қазақстан облысындағы 11 балабақша, олар бойынша келісімшартқа қол қойылды және осы бойынша құрылыстың бірінші кезеңін бастадық. Үш республикалық жоба – жол саласында, электроэнергетика мен азаматтық авиациялар.

Ботагөз Айтжанова

Видео Азамат Алиев

Барлық жаңалықтар