• Басты
  • Талдықорғанда 120 отбасы пәтерлі болды (ФОТО)
13 Мамыр, 2016 17:38

Талдықорғанда 120 отбасы пәтерлі болды (ФОТО)

Талдықорған қаласында 120 отбасы пәтерлі болды. Кезекте тұрған азаматтар, соның ішінде мүгедектер, жетім балалар, көпбалалы және толық емес отбасылар, ауғандық ардагерлер, бюджеттік сала қызметкерлері қаланың Оңтүстік-Батыс ауданындағы екі коммуналдық үйдің кілтін Алматы облысының әкімі Амандық Баталов тапсырды, деп хабарлады облыс әкімдігі.
Талдықорғанда 120 отбасы пәтерлі болды (ФОТО) | Strategy2050.kz

««Өңірлерді дамыту - 2020» және «Нұрлы жол» мемлекеттік бағдарламаларын жүзеге асыру шеңберінде тұрғын үй құрылысы қарқынды дамып келеді. Бүгін біз кезектегі азаматтарға мемлекет қолдауының нәтижесінде жаңа Оңтүстік-Батыс ауданнан 120 пәтердің кілтін беріп отырмыз. Мұнда инфрақұрылым жасалып, алдағы уақытта балабақша, мектеп, Салтанат сарайы, Көрме павильоны, Драма театры ғимараты сияқты көптеген әлеуметтік маңызы зор нысандар осы маңда салынып, жаңа аудан көркейе түсетін болады», - дей келе облыс әкімі А. Баталов қоныстой иелерін қуаныштарымен құттықтап, олардың отбасыларына амандық тіледі.

Жаңа қоныс иесі Дария Абдрахманова:

«Бүгінгі қуанышты жағдайды пайдалана отырып, жетім балаларға көрсеткен қамқорлығы үшін Мемлекет басшысына зор ризашылығымды жеткізгім келеді. Енді менің өз үйім бар, бұл маған ертеңгі күнге деген сенімділік сыйлайды», - деді.

Сондай-ақ балаларын жалғыз тәрбиелеп отырған ана Күлән Жинақова да елімізде жүргізіліп отырған мемлекеттік саясаттың арқасында баспаналы болғанын, бұл ең бірінші балалары үшін аса маңызды екенін жеткізді.

Жалпы, бұл 60 пәтерлі екі үйдің құрылысы 2014 жылы басталған болатын. «Өңірлерді дамыту - 2020» бағдарламасының шеңберінде тұрғын үй құрылысына 765 577,94 мың теңге бөлінген. 120 пәтердің 56-сы бір бөлмелі, 64-і – екі бөлмелі. Оған қоса жыл басынан бері Талдықорғанда 5 көп пәтерлі тұрғын үй берілген болатын. Жылдың соңына дейін тағы 3 көп қабатты үйді пайдалануға беру жоспарланған. 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды