Қазақстанда орта білімді жаңғырту бойынша екі жұмыс комиссиясы құрылды

13 Мамыр, 2016 16:09

Қазақстан Республикасында орта білімді жаңғырту бойынша екі жұмыс комиссиясы құрылды. Оның бірінің қызметі үш тілді білім беруге көшу мәселесі болса, екіншісі оқу жылын ұзарту – бескүндік пен демалыс уақытын созу, ҚР орта мектептеріндегі пәндерді қысқартумен айналысатын болады. Әр комиссияның жұмысы қоғаммен және ата-аналармен конструктивті диалогқа бару. Бұл туралы Білім және ғылым министрлігінің мектепке дейінгі және орта білім, ақпараттық технологиялар департаментінің директоры Жаңыл Жонтаева ОКҚ-де өткен баспасөз конференциясында хабарлады.

«Министрдің тапсырмасы бойынша демалыс пен үш тілділікті талқылайтын жұмыс комиссиясы құрылды. Онда біз қоғамның, ата-аналардың және үкіметтік емес ұйымдардың ұсыныстарын тыңдайтын боламыз. Әр түрлі пікір бар және біз ол пікірлерді толық тыңдайтын боламыз»,-деді ол.

Ж.Жонтаеваның айтуынша, жұмыс комиссиясы апта сайын отырыс өткізетін болады. Оған Білім және ғылым министрі, ата-аналар қоғамдастығы, мұғалімдер, мектеп директорлары және білім беру ұйымдарының басшылары қатысатын болады.

«Апта сайын біз «Білім» телеарнасынан трансляцияланатын отырыс өткізетін боламыз. Қоғамдасчтықтардың барлық ұсыныстары талқыланатын болады және шара қабылданады. Біз 2015-2016-шы оқу жылын енді ғана аяқтап жатырмыз, сондықтан әлі бізде уақыт бар. Ал, білім саласына енгізілетін жаңалық қыркүйектің бірінен бастап тек 1-ші сыныптарға енгізіледі. Біз енгізілгелі отырған жаңалықтарды ғылыми негізде қарап, кәсіби мамандардың пікірлерімен санасып жасайтын боламыз. Өйткені біз балалардың оқу үрдісін жеңілдетуіміз керек»,-деп қортындылады Ж.Жонтаева сөзін.

Барлық жаңалықтар