Жоғарғы Сот Қазақстан Республикасы судьяларының VI съезінде Президенттің алға қойған тапсырмаларын жүзеге асыруға кірісті
«Атап айтқанда, Қ. Мәми сот төрелігін сабақтастыра отырып жаңғыртуға кірісу, сот ісін жүргізуде ақпараттық технологияларды қолдануды күшейту және бұқаралық ақпарат құралдарымен тығыз қарым-қатынас жасау сынды тапсырмалар берді», - делінген хабарламада.
Сонымен бірге судьялардың санын көбейту есебінен жүктемені азайтуға тапсырмалар межеленді. Бұл туралы Съезде Мемлекет басшысы да айтқан болатын.
Жоғарғы Сот Төрағасының алға қойған жекелеген тапсырмалары сот жүйесінің имиджін арттыруға, сот қателіктерін болдырмауға, және төрешілдіктен арылуға бағытталған.
Қ. Мәми дауларды шешудің баламалы әдістерін енгізуге және жанжалдарды соттан тыс реттеу институттарын дамытуға баса назар аударды. Осыған байланысты Президенттің нұсқауына сәйкес медиация туралы отандық заңнаманы халықаралық стандарттарға сәйкес келтіру тапсырылды.
Бұған қоса Төраға судьялардың біліктілігін арттыру және еліміздің соттарында кадр саясатын жетілдіру бойынша жұмысты жалғастыруды тапсырды.
Кеңейтілген кеңестің қорытындысы бойынша Мемлекет басшысының судьялардың VI съезінде белгілеген міндеттерін іске асыру Жоспары дайындалды. Әрбір тармақ бойынша жауапты адамдар бекітіліп, аталмыш жоспардың орындалу барысын Қ.Мәми ерекше бақылауға алды.
