Ақтөбелік жолдардың құрылысы мен жөндеуіне 7,4 млрд теңге бөлінді – әкімдік
13 Мамыр, 2016 19:03
2016 жылы Ақтөбе облысының көліктік инфрақұрылымы мен автомобиль жолдарын дамыту үшін республикалық және облыстық бюджеттен 7,4 млрд теңге бөлінді, деп хабарлады «Ақтөбе ақпарат» ақпараттық орталығы.
Аталған қаржыға Ақтөбе – Атырау жолдарын қайта жөндеу мен Алға, Хромтау, Қобда, Ырғыз, Мұғалжар және Шалқар аудандарындағы көпірлер мен жолдарды жөндеуге, Ырғыз бен Бадамшаның көшелерін жаңғыртуға жұмсалады.
Жақын арада жергілікті мағынадағы жолдардың жөнделуі басталады. Олар: Ақтөбе – Болгарка – Шұбар – Құдық 02-16 шақырымдық жолдар жөнделсе, Хромтау-Бадамша 17-30 шақырымдық жолы күрделі жөндеуден өтеді.
Сондай-ақ, облыс орталығында аймақтағы ауылдық округтардың 20 көшесін жөндеумен қамту жоспарланып отыр.
