• Басты
  • Биыл Ұлттық бірыңғай тестілеу форматы өзгерген жоқ – ҚР БҒМ

Биыл Ұлттық бірыңғай тестілеу форматы өзгерген жоқ – ҚР БҒМ

13 Мамыр, 2016 12:31
Биыл ҰБТ 2-15 маусым аралығында өтеді. Ұлттық бірыңғай тестілеу форматы өзгертілген жоқ, деп ҚР БҒМ Білім және ғылым саласындағы бақылау комитетінің төрағасы Саят Нүсіпов ОКҚ-да өткен баспасөз-конференциясында мәлім етті.

«2016 жылы ҰБТ форматы өзгерген жоқ. ҰБТ 2-15 маусым аралығында ҰБТ қабылдайтын 166 арнайы жабдықталған пункттерде өтеді. 116-сы ҚР мектеп мекемелерінде орналасқан, 50 – жоғары оқу орындарының мекемесінде»,-деді С.Нүсіпов.

Оның айтуы бойынша, барлық бекеттерде мемлекеттік комиссия құрылған.

«Ұлттық бірыңғай тестілеу Қазақстан Республикасына 2004 жылдан бастап енгізілді. 12 жыл ішінде тестілеуге орта мектептің 1 млн 504 мың түлегі қатысқан, яғни барлық кезеңдегі түлектердің 77 пайызын құрайды. ҰБТ-ға қатысу ерікті болып келеді. Ағымдағы жылы орта мектепті 121091 түлек бітіреді, олардың ішінде 83330- қазақ тілді, 37672- орыс тілді. ҰБТ-ға 86991 түлек қатысады. Олардың ішінде қазақ тілді 63021 түлек, орыс тілді-23970 мектеп түлегі»,-деді спикер. 

Барлық жаңалықтар