Алматы облысында егістік алқаптарының 15% алдыңғы қатарлы технологиялар бойынша өңделеді
22 Қараша, 2013 11:05
Алматы облысында егістік алқаптың 15%-дан астамына алдыңғы қатарлы технологиялар қолданылады, деп мәлімдеді Алматы облысы әкімі Аңсар Мұсаханов ҚР Президенті жанындағы Орталық коммуникациялар қызметінің брифингінде.
«Соңғы үш жылда ауыл шаруашылық өнімінің жалпы көлемі 1,5 раза есеге өсті. Аталмыш сала 2012 жылы 342 млрд теңгені құрап, республиканың жалпы көлемінің 17%-ын құрады. Егістік алқаптың 15 пайыздан астам аумағына алдыңғы қатарлы технологиялар қолданылады», - деді Мұсаханов.
Оның айтуынша, Мемлекет басшысының тапсырмасы бойынша өңірде бақша өнеркәсібі де қарыштап дамып келеді.
Қазіргі таңда облыс көлемінде 12 мың гектар жерге алма өсіріледі, соның ішінде 1400 гектары апорт тұқымына тиесілі.
«2020 жылға қарай аталмыш көрсеткішті 30 пайызға дейін көбейтуді жоспарлап отырмыз», - деді облыс әкімі.
