• Басты
  • Астанадағы бос орындар жәрмеңкесінде 260 бос жұмыс орны ұсынылды

Астанадағы бос орындар жәрмеңкесінде 260 бос жұмыс орны ұсынылды

13 Мамыр, 2016 10:43
Астанада өткен Бос орындар жәрмеңкесіне 40 жуық жұмыс беруші қатысты, деп хабарлады қала әкімдігінің ресми сайты.

Шара барысында қызмет көрсету, білім, денсаулық сақтау, құрылыс салаларынан 260 жуық бос жұмыс орны ұсынылды. Жәрмеңке барысында жұмыс іздеп келген 1386 адам тіркелді.

Бұл Жұмыспен қамту орталығы жыл басынан бері өткізіп отырған төртінші жәрмеңке. Аталған шаралардың қорытындысы бойынша 75 адам жұмысқа орналастырылды.

Бос орындар жәрмеңкесі жұмыс іздеушілерге әлеуетті жұмыс берушілермен әңгімелесуден өтіп, қайта оқыту мен жаңа мамандықты меңгеру мүмкіндігі туралы ақпарат береді.

Жыл басынан бері Астана қаласы әкімдігінің Жұмыспен қамту орталығына 4810 қала тұрғыны жүгінген, 2195-і жұмысқа орналастырылды, соның ішінде 63-і әлеуметтік жұмыс орындарына, 220-сі жастар практикасына жіберілді, 919 адам қоғамдық жұмыстарға қатысты, 307 адам қайта оқытылып жатыр. 

 

Барлық жаңалықтар