Қазақстанның еңбек нарығында 2016 жылы 8,5 млн. адам жұмыспен қамтылды
13 Мамыр, 2016 08:43
Республика экономикасында 2016 жылғы сәуірде, бағалау бойынша 8,5 млн. адам жұмыспен қамтылды. Жұмыспен қамтылған халық арасындағы жалдамалы қызметкерлер саны аталған кезеңде 6,2 млн. адамды (жұмыспен қамтылғандардың жалпы санынан 73,4%) құрады, деп хабарлады Қазақстан Республикасы Ұлттық экономика министрлігінің Статистика комитеті.
2016 жылғы I тоқсан1) деректері бойынша өз бетінше жұмыспен қамтылғандардың жалпы санынан жұмыспен нәтижелі қамтылғандар үлесі 81,2%, жұмыспен нәтижесіз қамтылғандар – 18,8% құрады.
2016 жылғы сәуірде жұмыссыздар саны, бағалау бойынша 439,3 мың адамды, жұмыссыздық деңгейі 4,9% құрады. Жұмыспен қамту органдарында 2016 жылғы сәуір айының соңына 74,7 мың адам ресми тіркелген. Тіркелген жұмыссыздар үлесі экономикалық тұрғыдан белсенді халықтың 0,8%-ын құрады.
