• Басты
  • Жамбыл облысында биыл 6 мыңнан астам оқушы ҰБТ тапсырады

Жамбыл облысында биыл 6 мыңнан астам оқушы ҰБТ тапсырады

12 Мамыр, 2016 18:21
Бүгін Өңірлік коммуникациялар қызметінде Жамбыл облысы әкімдігінің білім басқармасы басшысының орынбасары Бекбатырова Жәмилә Елеуқызының қатысуымен ҰБТ-ға дайындық барысы жайында брифинг өтті.

Брифинг барысында ҰБТ-ға байланысты жұмыстардың жан-жақты және жүйелі дайындық жұмыстарының жыл бойы жүргізілгендігін  атап айтты.

Жәмилә Бекбатырованың айтуынша, 2015-2016 оқу жылында облыстағы 316 жалпы білім беретін орта мектептерді 8561 оқушы бітіргелі отыр (оның ішінде 309-ы күндізгі, 4-і кешкі мектептер, 1-і спорттағы дарынды балаларға арналған мамандандырылған мектеп, 1-і «Азия» жекеменшік мектебі, 1-і «Болашақ» арнайы түзету мектеп-интернаты). Оның ішінде 7985 оқушы күндізгі мектепті, 571 оқушы кешкі мектепті  бітірсе, оның 3077–і қала мектептерін, 5484-і ауыл мектептерін бітіреді. Бітірушілердің  6291-і қазақ тілінде, 2245-і  орыс тілінде, 25-і өзбек тілінде оқығандар).

«2016 жылғы ҰБТ-ге қатысуға 6065 (70,85%) мектеп бітіруші өтініш берген. Оның 6064-і күндізгі мектеп бітірушілер, 1-і кешкі мектеп түлегі, 5027-сі (82,8%)  қазақ тілінде, 1038-і (17,2%) орыс тілінде тест тапсырады. ҰБТ-ге қатысатын 6065 оқушының 35,6%-ы (2159) қала мектебінің (Қаратау қаласы – 131 оқушы, Жаңатас қаласы – 96 оқушы, Шу қаласы – 248 оқушы, Тараз қаласы – 1481 оқушы, ОББ қарасты мекемелер - 203), 64,4%-ы (3906) ауыл мектептерінің түлектері»,-деді спикер.

Облыстағы 10 ҰБТӨП-терде мемлекеттік комиссия құрылып, бекітілген. 2016 жылғы ұлттық бірыңғай тестілеуді тиімді ұйымдастыру мен өткізу үшін ҰБТ-ны ұйымдастыру мен өткізу жөніндегі мемлекеттік комиссия ұйымдастыру-басқару жұмыстарын дұрыс жүргізіп, ҰБТ-ны өткізу технологиясының бұзылуына жол бермеуіне жан-жақты дайындық жұмыстарын жүргізуде.

“2016 жылғы ұлттық бірыңғай тестілеуді өткізуде өзгерістердің енгізілгендігін хабарлап, шекті денгейден өтпей қалған мектеп бітірушілерге 2-ші рет тест тапсыруға рұқсат беріледі.  2-ші рет тапсыратын тест ақылы болады, оның бағасы 2242 тенге. Ал «2» алған мектеп бітірушілерге және ҰБТ-де алған балдарының нәтижесін жақсарту мақсатында тестті қайта тапсыруға рұқсат берілмейді”,- деп қорытындылады Ж.Елеуқызы.

Еске салатын жайт, Ұлттық бірыңғай тестілеу облыста 10 ұлттық бірыңғай тестілеуді өткізу пункттерінде ағымдағы жылдың 2-15 маусым аралығында өткізіледі.2016 жылы Ұлттық бірыңғай тестілеудің форматы  өзгермейді.

Барлық жаңалықтар