ҚР Ұлттық Паралимпиада құрамы «Сочи-2014» ойынына дайындалуда
22 Қараша, 2013 10:13
ҚР-ның Ұлттық Паралимпиада құрамы қысқы спорт түрлері бойынша 2014 жылдың 1-16 наурыз аралығында өтетін «Сочи-2014-ке» дайындық үстінде, деп хабарлайды «Самұрық-Қазына» АҚ баспасөз қызметі.
«Қазір 12 адамнан тұратын команда Ақмола облысының Щучинск қаласында оқу-дайындық жұмыстарын жасап жатыр. Сол жерде қазақстандық паралимпиадашылардың дайындалатын спорттық база бар екені белгілі», - делінген хабарламада.
Естеріңізге сала кетейік, Паралимпиада ойындары – Олимпиада ойындарынан кейінгі екінші ірі спорттық дода болып табылады.
Жыл сайын Паралимпиадаға қатысуға ниет білдіретіндер саны өсіп келеді. 1960 жылы Ойынға әлемнің 23 елінен 400 атлет қатысса, 2012 жылы Лондондағы додада 160 елден 4200 спортшы бақ сынасқан .
Айта керу керек, ҚР Ұлттық Паралимпиада Комитетінің бас демеушісі «Самұрық-Қазына» АҚ болып табылады.
