Балаларға арналған сауықтыру лагері ШҚО әкімдігінің меншігіне өтті
Облыс әкімінің бірінші орынбасары Нұрымбет Сақтағанов айтып өткендей, «Қазатомпром» АҚ-ның еншілес кәсіпорны «ҮМЗ» Өскемен қаласы мен облыстың мыңдаған тұрғындарын жұмыспен қамтып қана қоймай, әлеуметтік салада мемлекеттің стратегиялық әріптесі болып табылады.
Өз кезегінде аймақ әкімдігі балалар сауықтыру лагерінің кәсіби қызметі мен жұмыс орындарын сақтауға міндеттеледі.
Стратегиялық меморандумға қол қою – бұл мемлекеттік емес сектордың еліміздің қоғамдық өміріне атсалысуына жағдай жасау, ірі кәсіпорындармен әріптестікті дамыту арқылы әлеуметтік жаңғырту бойынша Мемлекет басшысы қойған тапсырмаларды жүзеге асыру болып табылады.
Айта кету керек, толықтай жөндеуден өткен балалар сауықтыру лагері 400 балаға арналған. Сонымен қатар, лагерьде хауыз, теннис корты, футбол және мәдени-бұқаралық іс-шараларға арналған алаңдар қарастырылған.
