ҚР Әскери-теңіз күштерінде Армия ойындарына корабльдерді техникалық дайындау басталды (ФОТО)

12 Мамыр, 2016 15:52

Армия халықаралық ойындарының «Теңіз биатлоны» байқауына дайындалу шеңберінде ҚР ҚК Әскери-теңіз күштерінің корабльдерінде қару-жарақтың, негізгі және қосалқы тетіктердің техникалық әзірлігін ұстап тұру бойынша жұмыстар басталды, деп хабарлады Қорғаныс министрлігі.

Алдағы Армия халықаралық ойындары байқауына қатысуға корабльдің әзірлігінің негізгі мәселелерінің бірі қазіргі уақытта ерекше көңіл бөлініп жатқан оның техникалық әзірлігі болып табылады.

«Каспий теңізі – 2016» теңіз биатлонына қатысатын негізгі корабль болып белгіленген «Орал» зымыран-артиллериялық кораблі Аташ кентінде жөндеу жұмыстарынан өтуде. Жөндеу жұмыстарын «Зенит» Орал зауыты» АҚ жүргізуде.

Бүгінгі таңда жөндеу жұмыстары, корабль корпусының суасты бөлігін тазарту және бояу, түпкі-борттық арматураларды тексеру және металдың тат басуынан қорғайтын протекторлық қорғауыштарды ауыстыру жүргізіліп жатыр. Жөндеу жұмыстарына тікелей корабль командирі аға лейтенант А.Қ.Қапашевтің басшылық етуімен корабль экипажы қатысуда.

Естеріңізге сала кетейік, ҚР ҚК Әскери-теңіз күштері Армия халықаралық ойындары-2016 шеңберінде «Каспий кубогы – 2016» (теңіз биатлоны) халықаралық теңіз байқауына қатысады. Биатлонға қатысатын негізгі және қосалқы корабльдер де белгіленіп қойды. Негізгі корабль «Орал» зымыран-артиллериялық кораблі, қосалқы «Сарыарқа» кораблі болып белгіленді. Корабль экипаждары 33 адамнан тұрады.

Өткен жылы ҚР ҚК ӘТК-нің командасы «Каспий кубогы» байқауына алғаш рет қатысқан болатын. Байқау қорытындысы бойынша командамыз бірінші орын алып, күміс медальдар жиынтығы мен «БЛ-680» жылдам жүретін қайықтың иегері атанды.

Барлық жаңалықтар